《十年》奪最佳電影 爾冬陞認情緒主導

叼翻了

《十年》奪最佳電影　爾冬陞認情緒主導

[隱藏]

【on.cc東網專訊】電影《十年》獲今屆金像獎最佳電影殊榮，不過事後有人質疑該片是否真的值得奪最佳電，對此，金像獎主席爾冬陞，受訪時直認有感是次投票結果乃情緒主導：「（《十年》入圍好多爭議喎）金像獎內部就冇爭議，成個節目都有刻意去令到多啲唔知道金像獎機制嘅年青觀眾去認識，亦都趁住金像獎三十五年，去話畀大家知呢個機制，明年會增加投票人去到1200人，就算有爭議嘅電影入到圍，都會由得佢。」

問到金像獎編劇寫稿時，是否要避忌寫《十年》兩個字，爾冬陞笑謂：「唔係，係講笑，係幽默感，但係依家成個創作都係配合個社會氣氛，點解會有呢部電影呢？總之電影你有你嘅立場，就好似宗教一樣，但係我唔主張宗教同政治撈埋嚟搞，我亦都知道嚟緊呢一年，有好多呢類型電影拍緊。今次《十年》上到台可能都係唔達標，但係評審係欣賞佢嘅大膽，或者係一種鼓勵。（咁都頒畀佢係咪鬥氣？）其實今次唔係第一次，但係邊套我唔講嘞，否則會有人認為我係唔認同嗰部電影嘅，但係我哋創作人係好感性嘅，好容易畀人影響到個情緒，我認為個機制冇問題，但係係人嘅問題，今次佢哋用咗情緒嚟投票，但係必須專業化。」之後他說，如果情況持續，金像獎會給人不專業感覺。

「有啲人（為咗投票率）未睇過部入圍電影都會投，呢啲唔係情緒係咩呢？作為一個做會長嘅功能，就係要去改進。（怕唔怕影響到明年金像獎？）唔會，唔好咁悲觀，我非常肯定以前呢啲電影唔可以上，因為有條條例話唔能夠影響鄰地嘅關係，依家邊個夠膽咁講。」

爾冬陞又指他個人反對宗教或政治介入電影：「呢啲係理想，但其實歷史不斷有咁嘅事發生。咁耐以嚟最有爭議性都係許鞍華嘅《千言萬言》，但我都希望金像獎唔好變質。希望嚟緊開會，我會呼籲大家理性啲。其實《十年》團隊上台拎獎時，都自認專業度不足，咁樣都攞到，唔係情緒係乜，所以要客觀啲。」更謂若金像獎太政治化，他情願劈炮：「我會辭職，我拍戲就得㗎喇。」

死神只峰

很多人質疑這部電影

chinared

乡港电影人抛弃专业拥抱政治，以后就不要怪中国政治打压咯。
中共不要让乡港人失望啦，争取五年内实现电影十年所表述的场面。

ilovet

这到底是什么电影?

CKH71

被电影人评估到一文不值的电影

Barryliaozs

CKH71 发表于 6-4-2016 05:34 PM
被电影人评估到一文不值的电影

电影人的评价跟观众爱看也是两回事。如同经济家对经济前景的预估跟老百姓的感受不同。