張晉練麒麟臂靠舉女 蔡少芬：舉我！舉我！

aikowu

自從《激戰》張家輝張海報相出籠之後，香港嘅男士可謂係冇啖好食，點解？有比較吖嘛！大家心諗:「家輝可以練到咁，我都得啫！」所以女仔一早知道嘅自拍角度的重要性，男士呢一年嚟都可以話突飛猛進，因為愈來愈多人開始騷肌喇。

兩女之父張晉打得好多人都知，有操肌都唔係新鮮事，佢今日就喺微博講解，想老鼠仔變大田鼠甚至係麒麟臂方法好簡單啫，生小朋友啦！張晉話：「誓要練成『麒麟臂』，方法1：舉女兒。方法2：舉兩個女兒。方法3：兩個女兒輪流舉。」之後老婆蔡少芬就教埋大家如果未有小朋友的話可以點練喇，佢加把咀耍花槍，留言話：「舉我！舉我！」，硬係覺得好冤氣咁囉。

除咗呢兩公婆借騷肌都可以曬到恩愛之外，汪東城日前都有騷吓佢碌強狀嘅臂彎，雖然就冇講啲乜，不過有萬幾個讚同成5千個留言，就可以話比各位男士知，世上冇唔大隻嘅男人，而只有懶嘅男人囉。

泪王子

大家都要努力健身。。

devilredcantona

靠老婆那个帖里有他

yan_w

练成大只老么？